شامی فوج نے صہیونی جاسوسی آلات پر قبضہ کر لیا

ابنا: قدس نیٹ ویب سائٹ نے شام کی خبر رساں ایجنسی سانا کے حوالے سے رپورٹ دی ہے کہ شام کے ساحل کے قریب سے جاسوسی کے ایسے آلات ملے ہیں جن پر موجود علامتوں سے اس بات کی نشاندہی ہوتی ہے کہ یہ آلات صیہونی حکومت کے ہیں۔ خبررساں ایجنسی سانا کا کہنا ہے کہ جاسوسی کے یہ آلات ،شام کے ساحلی علاقے میں تصاویر اتارنے اور خفیہ طور پر باتیں سننے کے لۓ نصب کۓ گۓ تھے۔ ان آلات کی تیاری میں جدید ترین ٹیکنالوجی استعمال کی گئي ہے۔واضح رہے کہ صیہونی اخبار یدیعوت آحارنوت نے بھی شام کے ساحلی علاقے کے قریب صیہونی حکومت کے جاسوسی کے آلات ملنے اور ان کے ضبط کۓ جانے کا اعتراف کیا ہے۔